(1) L’an à la Nativité nostre Seigneur mil cinq cens soixante six et le dix septiesme jour du moys de juing,
saichent toutz présentz et advenir qui ces présentes verront. Comme ne soyt chose plus certaine qu’est la mort ne chose plus incertaine qu’est l’heure d’ycelle, pour ce est-il que
par-devant et en la présance de moy Joseph Roche notaire royal et tabellion juré de la présente ville de Sallon diocèse d’Arles
soubzigné et des tesmoings cy après nommés, feust présent en sa personne maistre Michel Nostradamus, docteur en médecine et astrophille de la dicte ville de Sallon, conselhier et médecin ordinaire du roy, lequel considérant et estant en son bon entendement, bien
parlant<portant> voyant et entendant, combien que en tout
ce<ne> soyt affoybly causant certaine malladie corporelle et ancien eaige de laquelle il est à présent debtenu, voullant
prouvoyr<pourveoir> cepandent qu’il est en vye de ses biens que Dieu le créateur luy a donnés et prestés en ce mortel monde, à celle fin que après son décepz et trespas sur iceulx biens n’y
aye<ayt> question procès
ne différant<et différens>;
(2) pour ce le dict maistre Michel Nostradamus de son bon gré pure et franche
vollanté< volonté> propre mouvement délibération
et vollanté a faict ordonné et estably et par ces présentes faict ordonne et establist son testement nuncupatif disposition et ordonnance finalle
et extrême vollanté de toutz et ungs chescungs des biens que Dieu le créateur luy a donnés et prestés en ce mortel monde à la forme de manière que
sansuyt<s’ensuit>:
(3) et premièrement
ledict maistre Michel Nostradamus testateur comme bon, vray crestien et fidèlle a recommandé
et recommande son âme à Dieu le créateur
priant<le priant>
icelluy créateur que
à son diffinement et quant sera son bon plaisir de l’appeller
en aye pitié compassion et miséricorde et<que luy plaise> collocquer son âme au royaulme éternel de paradis ; et pour ce que après l’âme le corps est la chose plus digne de ce siècle,
pour ce icelluy maistre Michel Nostradamus testateur<led
t testateur> a vouleu
et ordonné que après que l’hame de son corps sera aspirée<quand son ame sera separée de son corps>
icelluy estre<que icelluy soit> porté
honnorablement en sépulture dans l’église du convent de Saint Françoys dudict Sallon et entre la grant porte d’icelle et l’authel de Saincte Marthe là où a vouleu estre faicte une tombe ou monument contre la murailhe ; et ay a vouleu u(){et ordonné son dict}<sond
t> corps estre accompaigné avecques quatre cierges d’une livre la pièsse ; et
aussi a vouleu et ordonné le dict testateur<a vollu aussi> toutes ses obséques et funèrailhes estre faictes à la discrétion de ses gagiers cy après nommés;
(4) et aussi a légué vouleu et ordonné
ledict testateur<incontinent> que soyt bailhé à treze pouvres six soulx pour chescung une foys tant seulement
poyables après son déceps
et trespas,
lesquelz pouvres seront esleüx à la discrétion de ses gagiers cy après nommés ; et aussi a légué
et laisse ledict maistre Michel Nostradamus testateur aux fraires de l'Observance de Sainct Pierre de
Canèn<Canon> ung escu une foye tant seulement poyable incontinent après son trespas ; et aussi a légué
et laisse ledict testateur à la chapelle de Nostre Dame des Pénitents blancs dudict Sallon ung escu poyable une foys tant seulement incontinent après son déceps
et trespas ;
(5) et
parelhement<aussi> a lègué
et lègue aux Fraires Mineurs du convent de Sainct Françoys dudict Sallon deux escus une foys tant seulement poyables incontinent après son
déceps et trespas ;
(6) et
parelhement<aussi> a lègué
et laisse ledict testateur à
honneste filhe Magdeleyne Besaudine, filhe de Loys
Beszaudin<Besaudine> son germain, la somme de dix escus d’or pistolletz, lesquels<lesquelles> a vouleu luy estre
bailhé<baillés> quant elle sera collocquée en mariage et non aultrement, tellement que sy ladicte Magdaleyne venoyt à mourir avant que estre colloquée en mariage a vouleu
et veult ledict testateur le présent légat estre nul ;
(7) et parelhement a légué et
laisse<laissé>
ledict Maistre Michel Nostradamus<led
t de Nostradamus> testateur à damoyselle Magdaleyne Nostradamus sa filhe légitime et naturelle et de damoyselle Anne Ponsarde sa femme commune la somme de six centz escutz d’or sol poyables une foys tant seulement le jour qu’elle sera collocquée en mariage ; et parelhement a légué et lègue
ledict maistre Michel Nostradamus testateur à damoyselles Anne et Diane de Nostradamus ses filhes légitimes et naturelles et de la dicte
damoyselle Anne Ponsarde sa femme communes et à chescune d’elles la somme de cinq cens escuz d’or pistolletz poyables à chescunes d’elles le jour que seront collocquées en mariage et, quas advenant, que les dictes damoyselles Magdaleyne Anne et Diane seurs ou une d’elles
vinsent<vint> à mourir en pupillarité ou aultrement sans hoirs légitimes et naturelz, audict cas a substitué à chescune desdictes Magdaleyne Anne et Diane ses héritiers ci après nommés ;
(8) et aussi a légué
et laisse ledict maistre Michel Nostradamus testateur à la dicte damoyselle Anne Ponsarde sa femme bien aymée la somme de quatre centz escutz d’or pistolletz, lesquels ledict testateur a vouleu estre expédiés à
ladicte Ponsarde sa femme<la ditte Damoyselle Anne Ponsarde> incontinent après la fin et trespas dudict testateur, et desquelz quatre centz escutz ladicte Ponsarde en jouyra tant qu’elle vivra vefve et en son
non<nom> dudict testateur, et, cas advenant que ladicte Ponsarde vienne à se remarier, audict cas ledict testateur a vouleu lesdits quatre centz escus estre restitués à ses hoirs cy après nommés ; et si ladicte Ponsarde ne vient à soy remarier, audict cas ledict testateur a vouleu qu’elle puisse léguer et laysser lesdicts quatre centz escus à ung
de ses<des> enffans dudict testateur tel ou telz que bon luy semblera,
prouveu<pourveu> touteffoys
que ne les puisse<qu’elle ne les puisses> laisser à aultre
que à sesdicts<qu’auxd
ts> enffans dudict testateur ; et parelhement a légué et lègue
ledict testateur à ladicte
damoyselle Anne Ponsarde sa femme le usaige et habitation de la tierce partie de toute la meyson dudict testateur, laquelle tierce partie ladicte Ponsarde prandra à son choiz
de<et de> laquelle en jouyra tant
que vivra<qu’elle vivra> et vefve
en son non<en nom> dudict testateur ; et aussi a légué
et laysse à ladicte
damoyselle Ponsarde une caysse de noyer dicte la grand caysse estant à la salle de la meyson dudict testateur, ensemble l’aultre petite joignant
icelle<ycelles> près du lict, et aussi le lict estant à la dicte salle avecques sa bassacque, mathellas,
cousière<coultre>, traversier, couverte de tappicerie, les cortines et rideaulx estans audict lict, et aussi six linseulx, quatre touailhes, douze
cervittes<serviettes>, demy douzeine de platz, demy douzeine d’aciettes, demy douzeine d’escuelles, deux pichières, une grande et une petite, une aiguedière et une sallière, le tout d’estaing, et
d’aultre meuble<d’autres meubles> de meyson que luy sera nécessaire sellon sa qualité, troys bouttes pour tenir son vin et une petite pille carrée estans dans la cave ;
lequel meuble<lesquel meubles>, après la fin de la dicte Ponsarde ou cas advenant qu’elle
vinse<vint> à se remarier, a vouleu
ledict testateur torner à ses hoirs sy après nommés ; et parelhement a légué et
laisse<lègue> ledict testateur à ladicte
damoyselle Anne Ponsarde sa femme toutes ses robbes, habilhementz, bagues et joyaulx pour d’iceulx en faire à tous ses plaisirs et vollantés, et aussy a prélégué
et prélègue ledict
Maistre Michel de Nostradamus testateur toutz et ungs chescungs ses livres
qu’il a à celluy de ses filz qui proffitera plus à l’estude et qui aura plus beu de la fumée de la lucerne, lesquels livres ensemble toutes les lectres missives que se treuveront dans sa maison dudict testateur, ledict testateur n’a vouleu aulcunement
estre<estres> invantarizées ne mis par description ains estre serrés en paquetz et banastes jusques
ad<à> ce que celluy qui les doybt avoyr soyt de l’eaige de les prandre et mis et serrés dans ungne chambre de la meyson dudict testateur ;
(9) et aussy a prélégué
et prélègue ledict testateur à César de Nostradamus son filz légitime et naturel et de ladicte damoyselle Ponsarde sa femme
commung<commune>
sa<la> meyson où ledict testateur habite
de présent ; item luy a prélégué
et prélègue ledict testateur sa
coppo<cape>
que ledict testateur a<qu’a ledit testateur> d’argent
surdourée<surdoré> et aussy les grosses cadières de boys et de fer
estant dans ladicte maison ; demeurant touteffoys le légat faict à la dicte
Anne Ponsarde sa femme en sa force et vertu tant qu’elle vivra vefve et en son
non<nom>
dudict<led
t> testateur ; et laquelle maison demeurera par commung et indivis quant pour regard de l’usaige entre lesdits César Charles et André ses fraires jusques
ad<à> ce que toutz lesdicts fraires
ses enffans dudict testateur soyent de l’eaige de vingt cinq
ans, après lequel temps toute ladicte maison sera entièrement dudict César pour en
fere<faire> à son plaisir et vollanté ; demeurant touteffoys tousjours le légat faict à ladicte Ponsarde sa mère pour le regard de ladicte maison en sa force et vertu ; et
parelhement<aussy> a
ledict testeur prélégué et prélègue audict Charles de Nostradamus son filz légitime et naturel et de ladicte
damoyselle Anne Ponsarde
sa<so> femme
commung<commune> la somme de
centz<cent> escuz d’or pistolletz une foys tant seulement, lesquelz
centz<cent> escus ledict Charles pourra prandre sur tout l’héritaige avant que partir quant sera de l’eaige de vingt cinq ans ; et
parelhement<aussy> a prélégué
et prélègue ledict testateur audict André de Nostradamus son filz légitime et
naturelz<naturel> et de ladicte
damoyselle Anne Ponsarde
commung<sa femme commune> la somme de cent escus d’or pistolletz une foys tant seulement, lesquelz cent escus ledict André pourra prandre
et lever sur
tout l'héritaige<son héritage> avant que partir quant sera comme dict est de l’eaige de vingt cinq ans.
(10) Et
pour ce que la institution d’héritier est le chief et fondement de ung chescung testament sans laquelle tout testement est randu et faict nul et invalable ; pour ce, icelluy dict maistre Michel de Nostradamus testateur, de son bon gré, pure et franche vollanté, certaine science, propre mouvement, délibération et vollanté, en toutz et
ungs chescung<un chascuns> ses aultres biens meubles et immeubles présentz et advenir droictz noms
raisons et actions debtes
quelzconques, où qu’ilz soyent nommés scitués et assiz et soubz quelque spéce nom et qualité que se soyent, a faict
créé ordonné et estably, et par ces présentes faict crée ordonne et establist, et a<ses héritiers unversels[
sic.]>
nommé et nomme<nommés> de sa
propre bouche par leurs
nons<noms> et surnoms
ses héritiers universelz et particuliers :
à ssavoyr est, lesdicts César Charles et André de Nostradamus ses
effans<enfants> légitimes et naturelz et de la dicte
damoyselle Anne Ponsarde
commungs<sa femme commune> par esgalles
partyes pourtions<parts et portions>, en les substituantz de l’ung à l’aultre s’ilz viennent à mourir en pupillarité ou aultrement sans hoirs légitimes et naturelz ; et sy la dicte
damoyselle Anne Ponsarde sa femme estoyt enceingte et fist ung filz ou deux les a
faictz<fait> héritiers esgallement comme les aultres avec semblable substitution ; et sy elle faisoyt une ou deux filhes, leur a légué
et laisse ledict testateur à icelle et
à chescune d’ycelles la somme de cinq cens escutz pistolletz à
mesmes payes<mesme paye> et
substitutions<substitution> que les aultres ;
(11) et sy a vouleu
et veult ledict testateur que ses dicts enffans et filhes ne se puissent collocquer en mariage que
ne soyt du<ce ne soit de> consentement et bon vouloyr de la dicte
Anne Ponsarde leur mère et des plus proches parens dudict testateur ; et cas advenant que toutz vinsent à mourir sans hoirs légitimes
et<ou> naturelz, a substitué
et substitue ledict testateur au dernier
d’yceulx lesdictes damoyselles Magdaleyne Anne et Diane de Nostradamus
ses<des> seurs et filhes dudict testateur ;
(12) et pour ce que ledict testateur voyt son héritaige consister la plus part en argent comptant et debtes, a vouleu ledict testateur ledict argent comptant et debtes quant seront exhigés estre mis entre les mains de deux ou troys marchantz solvables à gaing et
proffict honneste<proffits honnestes> ; et aussy pour ce
qu’il<que> a veu ses enffans estre en bas eaige et pupillarité constitués, leur a
prouveu<pourveu> de tuteresse et administreresse testamentaire de leurs personnes et biens
à ssavoyr : ladicte damoyselle Anne Ponsarde sa femme, de laquelle spéciallement se
confie<confia>
prouveu<pourveu> qu’elle soyt tenue de
fere<faire> bon et loyal inventaire ; ne voullant touteffoys qu’elle puisse estre constraincte de vendre
aulcung meuble<aucuns meubles> ne utensilles de maison dudict héritaige et
ce<a> tant qu’elle vivra vefve
et en son non<au nom> dudict testateur, déffandant toute alliénation de
meuble<meubles> en
quelle<quelque> sorte que ce soyt ains que
soyt<soient>
gardé<gardés> et puis
divisé<divisés> ausdits enffans
et héritiers quant seront
comme dict est de l’eaige
de vingt cinq ans ; laquelle tuteresse prandra et recouvrera
le proffict<les proffits>
et gain dudict argent que sera esté mis entre mains desdicts marchantz pour dudict proffict s’en nourrir elle avec sesdicts enffans chausser et vestir et prouvoyr de ce que sera néccessaire sellon leur qualité, sans que desdicts fruictz elle soyt tenue d’en rendre aulcung compte ains seullement prouvoyr sesdicts enffans comme dict est ; déffandant expressément ledict testateur que sesdicts héritiers ne puissent demander leur part de leur dict héritaige en ce que
concervera<concernera> en argent qu’ilz ne soyent de l’eaige de vingt cinq ans, et touchant aux légatz faictz
esdictes<à sesd
ts> filhes se prandront sur
le fondz<les fonds> de l’argent que sera esté mis entre les mains desdicts marchants quant elles viendront soy collocquer en mariage suyvant les susdicts légatz ; voullant en oultre ledict testateur que aulcung de ses fraires dudict testateur aye
ne<et ne> puisse avoyr aulcung manyement et charge dudict héritaige ains en a laissé le toutal régiment et gouvernement d’ycelluy et de la personne de sesdicts enffans à la susdicte damoyselle Anne Ponsarde sa femme ;
(13) et
à celle fin que ce présent son testament puisse mieulx estre exécuté mesmemant en ce que touche et concerne les laysses pitoyables et de son âme ; pour ce, ledict maistre Michel de Nostradamus testateur a faict
et ordonné ses gaigiers et exécuteurs
de ce<du> présent son testement
assavoyr est :
Palamides<Pallamèdes> Marc escuyer
sieur<sire> de Chasteauneuf et
sieur<sire> Jacques Suffren bourgeoys dudict Sallon ;
ausquelz et à chescung d'eulx a donné et donne ledict testateur plain povoyr puissance et auctorité de exécuter ce présent son testement et pour ce faire prandre de ses biens et fere tout ainsy que vrays exécuteurs de testement sont tenus et ont acoustumé de faire<auxquels etc.> ;
(14)
lequel présent son testement a vouleu et veult ledict maistre Michel Nostradamus testateur estre et debvoyr estre son dernier testement nuncupatif disposition et ordonnance finalle de toutz et ungz chescungs ses biens lequel entend valloyr pour tiltre et non de testement codicil donnation pour cause de mort et en toute aultre manière et fasson qu’il pourroyt valloyr, en cassant révocant et adnullant toutz aultres testemens codicilz donnations pour cause de mort et aultres dernières vollantés par luy aultreffoys par cy devant faictes et passées, ceste présente demeurant en sa force et vertu<cassant etc.> ;
ainsy a requis et requiert moydict et soubzsigné notaire et tesmoings soubz nommés estre recordz de son dict présent testement et choses contenues en icelluy, lesquelz tesmoings il a bien cogneus et nommés par leurs noms et lesquelz tesmoings ont parelhement congneu ledict testateur, et que je dessusdict notaire rédige et mette par escript le présent son testement pour servir à sesdicts héritiers et aultres qu’il appartiendra en temps et lieu comme de raison. Et tout incontinent ledict
maistre Michel Nostradamus
testateur a dict et
déclaire<declaré> en présence des tesmoings cy après nommés avoyr en
argent content<comptant> la somme de troys mille quatre centz quarante quatre escutz et dix
soulx<sols>, lesquelz a exhibés et monstrés réalement en présence
des<desd
ts> tesmoings
soubz nommés<susnommés>
ès<et en> espèces cy après espéciffiées : premièrement en trente six nobles à la rose, ducatz simples cent et ung, angelotz septante neuf, doubles ducatz cent vingt six, escuz vieulx quatre, lions d’or en forme d’escus vieulx deux, ung escu du roi Loys, une médailhe d’or vallant deux escus, florins d’Allamaigne huict, imperialles dix, marionnettes dix sept, demy escutz sol huict, escus sol mille quatre centz dix neuf, escutz pistolletz douze centz, troys pièsses d’or dictes
portugalenses<Portugaise> vallans trente six escutz, que reviennent toutes les susdictes sommes d’argent comptant reduictes ensemble ladicte somme de troys mille quatre centz quarante quatre escutz et dix
soulx<sols> ; et aussy a faict aparoyr
ledict testateur tant par son livre que par
obligés<obliges> et cédulles que
par gaiges qu’il a de debtes à la somme de
mille centz<mil six cens> escutz ; lesquelles sommes d’argent comptant
sont<ont> esté mises dans troys coffres sive caysses estans dans la maison dudict de Nostradamus ; les clefz desquelles sont estés bailhées l’une à
Palamides<Pallamedes> Marc
sieur<sire> de Chasteauneuf,
l’aultre à sieur Martin Mianson consul et l’aultre à
sieur<sire> Jacques Suffren bourgeoys dudict Sallon qu’ilz ont receues réalement, après avoyr esté mis l’argent dans lesdictes caysses par iceulx mesmes. Faict,
passé et publié<et passé> audict Sallon
et en l’estude de la maison
dudict monsieur maistre Michel<de M
r> Nostradamus testateur
ez présences sieur<en présence de sires> Joseph Raynaud bourgeoys, Martin
Mianson<Manson> conseulz, Jehan Allegret trésaurier,
Palamides Marcq<Palamedes Marc> escuyer
sieur<sire> de Chasteauneuf, Guilhaume Giraud
nobles<noble>, Arnaud
Damisane<d’Amiranes>, Jaumet Viguier escuyer et fraire Vidal de Vidal gardien du
convent<Couvent> de Sainct Françoys dudict Sallon, tesmoings
ad ce requis et appellés<à ce appellés> ;
lesquelz testateur et tesmoings je dict notaire ay requis soy signer, suyvant l'ordonnance du Roy, qui<que> se sont soubzignés excepté ledict Reynaud
tesmoing qui a dict ne savoyr escripre.
(15) Ainsi
signés<signé>
à son premier originel : Michel Nostradamus, Martin
Mianson<Manson> conseul, Jehan Allegret trézorier,
Vidal de Vidal gardien<Fr. Vitalis gardien tesmoing>,
Barthésard Damysane<Barthesar d’Amirane> tesmoing, P. Marc tesmoing,
J. Viguier<J. de Viguier>, Guilhaume Giraud.
(Signum du notaire Roche) <Roche notaire>
